ಆಕ್ಸ್‌ಫರ್ಡ್

ಆಕ್ಸ್‌ಫರ್ಡ್ (pronounced  ( listen)) ಆಗ್ನೇಯ ಇಂಗ್ಲೆಂಡ್ ನಲ್ಲಿರುವ ಒಂದು ನಗರವಾಗಿದ್ದು, ಆಕ್ಸ್‌ಫರ್ಡ್ ಶೈರ್ನ ಪ್ರಮುಖ ಪಟ್ಟಣವಾಗಿದೆ. ಈ ನಗರವು ತನ್ನ ಮಧ್ಯಕಾಲಿಕ ವಿಶ್ವವಿದ್ಯಾನಿಲಯದಿಂದ ಪ್ರಾಮುಖ್ಯತೆಯನ್ನು ಹೊಂದಿದ್ದು, ಜಿಲ್ಲೆಯ ಗಡಿಯ ವ್ಯಾಪ್ತಿಯಲ್ಲಿ 165,000ಕ್ಕಿಂತ ಕಡಿಮೆ ಜನಸಂಖ್ಯೆಯನ್ನು ಹೊಂದಿರುವ ಈ ನಗರದಲ್ಲಿ ಸುಮಾರು 151,000 ಜನರು ವಾಸಮಾಡುತ್ತಿದ್ಡಾರೆ. ಚೆರ್ವಿಲ್ ಮತ್ತು ಥೇಮ್ಸ್ ನದಿಗಳು ಆಕ್ಸ್‌ಫರ್ಡ್ ಮೂಲಕ ಹರಿದು ನಗರದ ಮಧ್ಯ ಭಾಗದ ದಕ್ಷಿಣದಲ್ಲಿ ಸೇರುತ್ತವೆ. ಆಕ್ಸ್‌ಫರ್ಡ್‌ನ ಸಮೀಪದ 10 miles (16 km) ದೂರದವರೆಗೂ ಥೇಮ್ಸ್ ನದಿಯನ್ನು ದಿ ಐಸಿಸ್ ಎಂದು ಕರೆಯುತ್ತಾರೆ.

18ನೇ ಶತಮಾನದ ಮಧ್ಯ ಭಾಗದಲ್ಲಿ ರಾಡ್ ಕ್ಲಿಫ್ ಕ್ಯಾಮೆರಾ, ಮೂರ್ತಿ ಸಂಬಂಧಿ ವಿಚಾರಗಳನ್ನೊಳಗೊಂಡಂತೆ ಸಾಕ್ಸಾನ್‌ಗಳ ಆಗಮನದ ಅವಧಿಯಿಂದ ಹಿಡಿದು ಬ್ರಿಟೀಷರ ವಾಸ್ತುಶಿಲ್ಪದ ಪ್ರತಿಯೊಂದು ಉದಾಹರಣೆಯನ್ನೂ ಆಕ್ಸ್‌ಫರ್ಡ್‌ನ ಕಟ್ಟಡಗಳು ಎತ್ತಿ ಹಿಡಿಯುತ್ತವೆ. ಮ್ಯಾಥ್ಯೂ ಆರ್ನಾಲ್ಡ್ ಎಂಬ ಕವಿಯು ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದ ಕಟ್ಟಡಗಳ ಸಾಮರಸ್ಯ ವಾಸ್ತುಶಿಲ್ಪದ ಬಗ್ಗೆ ಉಲ್ಲೇಖಿಸುತ್ತಾ, ಆಕ್ಸ್‌ಫರ್ಡ್ ನಗರವನ್ನು " ಕನಸು ಗೋಪುರಗಳ ನಗರ" ಎಂದು ವರ್ಣಿಸಿದ್ದಾರೆ. ಇಂದಿನ ಇಂಗ್ಲೀಷ್-ಮಾತನಾಡುವ ಪ್ರಂಪಂಚದಲ್ಲಿ ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯವು ಅತ್ಯಂತ ಹಳೆಯವಿಶ್ವವಿದ್ಯಾನಿಲಯವಾಗಿದೆ.

ಇತಿಹಾಸ

ಸಾಕ್ಸಾನ್‌ನ ಕಾಲದಲ್ಲಿ ಆಕ್ಸ್‌ಫರ್ಡ್ ಮೊದಲ ಸ್ಥಾನವನ್ನು ಪಡೆದಿತ್ತು.ಪ್ರಾರಂಭದಲ್ಲಿ ಇದನ್ನು " ಆಕ್ಸೇನಾ ಫೊರ್ಡಾ" ಅಂದರೆ ಹೋರಿಯ ಕಾಲ್ಗಡಲು ಎಂದರ್ಥ; ಏಕೆಂದರೆ ಆದಿನಗಳಲ್ಲಿ ಸಾಮಾನ್ಯವಾಗಿ ಸೇತುವೆಗಳ ಬದಲು ಕಾಲ್ಗಡಲನ್ನು ಉಪಯೋಗಿಸುತ್ತಿದ್ದರು. 8ನೇ ಶತಮಾನದಲ್ಲಿ ಸೇಂಟ್ ಫ್ರೈಡ್ಸ್ ವೈಡ್‌ನ ಸನ್ಯಾಸಿನಿಯರ ಆಶ್ರಮದ ಸ್ಥಾಪನೆಯೊಂದಿಗೆ ಪ್ರಾರಂಭವಾಯಿತು. 912 ವರ್ಷದ ಆಂಗ್ಲೋ-ಸಾಕ್ಸಾನ್ ದಿನಚರಿಯಲ್ಲಿ ಇದರ ಲಿಖಿತ ದಾಖಲೆಗಳನ್ನು ಮೊಟ್ಟ ಮೊದಲ ಬಾರಿಗೆ ತಿಳಿಸಲಾಗಿದೆ. 10ನೇ ಶತಮಾನದಲ್ಲಿ ಆಕ್ಸ್‌ಫರ್ಡ್ ಮೆರಿಕಾ ಮತ್ತು ವೆಸೆಕ್ಸ್ ಸಾಮ್ರಾಜ್ಯಗಳ ಪ್ರಮುಖ ಸೈನಿಕ ಸರಹದ್ದಿನ ನಗರವಾಗಿತ್ತು. ಹಲವಾರು ಸಂದರ್ಭಗಳಲ್ಲಿ ಇದು ಡೇನ್ಸ್ನ ದಾಳಿಗೆ ಒಳಗಾಯಿತು. ಸೇಂಟ್ ಫ್ರೈಡ್ಸ್ ವೈಡ್ ನಗರ ಮತ್ತು ವಿಶ್ವವಿದ್ಯಾನಿಲಯಗಳೆರಡಕ್ಕೂ ಆಶ್ರಯದಾತ ಸಂತನಂತಿದೆ. 1191ರಲ್ಲಿ , ಲ್ಯಾಟಿನ್‌ನಲ್ಲಿ ಒಂದು ನಗರ ಶಾಸನವನ್ನು ಪ್ರಾರಂಭಿಸಲಾಯಿತು.

“Be it known to all those present and future that we, the citizens of Oxford of the Commune of the City and of the Merchant Guild have given, and by this, our present charter, confirm the donation of the island of Midney with all those things pertaining to it, to the Church of St. Mary at Oseney and to the canons serving God in that place.

“Since, every year, at Michaelmas the said canons render half a mark of silver for their tenure at the time when we have ordered it as witnesses the legal deed of our ancestors which they made concerning the gift of this same island; and besides, because we have undertaken on our own part and on behalf of our heirs to guarantee the aforesaid island to the same canons wheresoever and against all men; they themselves, by this guarantee, will pay to us and our heirs each year at Easter another half mark which we have demanded; and we and our heirs faithfully will guarantee the aforesaid tenement to them for the service of the aforesaid mark annually for all matters and all services. “We have made this concession and confirmation in the Common council of the City and we have confirmed it with our common seal. These are those who have made this concession and confirmation.” (There follows a list of witnesses, ending with the phrase, “... and all the Commune of the City of Oxford.”)

ರಾಜನಾದ ಹೆನ್ರಿIIಯಿಂದ ದೊರೆತ ಶಾಸನಾಧಿಕಾರವು ಆಕ್ಸ್‌ಫರ್ಡ್‌ನ ಘನತೆಯನ್ನು ಎತ್ತಿ ಹಿಡಿಯಿತು.ಸಾಮ್ರಾಜ್ಯದ ರಾಜಧಾನಿಯ ಜನರು ಅನುಭವಿಸುವ ಅದೇ ಹಕ್ಕುಗಳು ಮತ್ತು ರಿಯಾಯಿತಿಗಳನ್ನು ಅನುಭವಿಸುವ ಮಾನ್ಯತೆಯನ್ನು ತನ್ನ ನಾಗರೀಕರಿಗೆ ನೀಡಿದೆ. ಹಲವಾರು ಧಾರ್ಮಿಕ ಕಟ್ಟಡಗಳನ್ನು ನಗರದ ಒಳಗೆ ಅಥವಾ ಹತ್ತಿರದಲ್ಲಿ ಸ್ಥಾಪಿಸಲಾಗಿದೆ. ರಾಜನಾದ ಜಾನ್ಸನ್‌ನ ಮೊಮ್ಮಗ ಸಿಸ್ಟೇರಿಯನ್ ಆದೇಶಕ್ಕಾಗಿ ರೆವ್ಲೇ ಅಬ್ಬೆಯನ್ನು ಸ್ಥಾಪಿಸಿದನು. ವಿಭಿನ್ನ ಆದೇಶಗಳ ಸದಸ್ಯರಾದ (ಡೊಮಿನಿಕನ್ನರು, ಫ್ರಾನ್ಸಿಕನ್ನರು, ಕಾರ್ಮಲೈಟ್‌ರು ,ಆಗಸ್ಟೀನಿಯನ್ನರು ಮತ್ತು ಟ್ರಿನಿಟೇನಿಯನ್ನರು), ಎಲ್ಲರೂ ಸಹ ಆಕ್ಸ್‌ಫರ್ಡ್‌ನಲ್ಲಿ ವೈವಿಧ್ಯಮಯವಾದ ಪ್ರಾಮುಖ್ಯತೆಯನ್ನು ಹೊಂದಿರುವ ವ್ಯಾಪಾರಿ ಸಂಸ್ಥೆಗಳನ್ನು ಹೊಂದಿದ್ದರು. ಹದಿಮೂರನೇ ಶತಮಾನದಲ್ಲಿ ನಗರದಲ್ಲಿ ಸದನಗಳನ್ನು ನಡೆಸಲಾಗುತ್ತಿತ್ತು. ಪ್ರಾವಿಷನ್ಸ್ ಆಫ್ ಆಕ್ಸ್‌ಫರ್ಡ್ ಅನ್ನು ಸೈಮನ್ ಡಿ ಮೊಂಟ್ ಫೋರ್ಟ್ ನೇತೃತ್ವದ ಒಂದು ಗುಂಪು ಪ್ರತಿಷ್ಟಾಪನೆ ಮಾಡಿತು. ಈ ದಾಖಲೆಗಳನ್ನು ಕೆಲವು ಸಂದರ್ಭಗಳಲ್ಲಿ ಇಂಗ್ಲೆಂಡಿನ ಮೊದಲ ಲಿಖಿತ ಸಂವಿಧಾನ ಎಂದು ಪರಿಗಣಿಸಲಾಗಿದೆ. ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯವು ಮೊಟ್ಟಮೊದಲು 12ನೇ ಶತಮಾನದಲ್ಲಿ ದಾಖಲಿಸಲ್ಪಟ್ಟಿತು. ವಿಶ್ವವಿದ್ಯಾನಿಲಯವು ಒಂದು ಆಕಾರವನ್ನು ಪಡೆಯುತ್ತಿದ್ದಂತೆ, ವಿದ್ಯಾರ್ಥಿಗಳು ಎಲ್ಲಿ ಇರಬೇಕು ಮತ್ತು ಅವರು ಅಧಿಕೃತ ಕೋಣೆಗಳಲ್ಲಿ ನಿವಾಸ ಮಾಡಲು ಹೇಗೆ ನಿಯಮಗಳನ್ನು ರೂಪಿಸಬೇಕು ಎಂಬುದರ ಬಗ್ಗೆ ನೂರಾರು ವಿದ್ಯಾರ್ಥಿಗಳ ಮಧ್ಯೆ ಘರ್ಷಣೆ ಉಂಟಾಯಿತು[]. ನಗರದ ಉದ್ದಕ್ಕೂ ಬೆಳೆದು ನಿಂತ ನೂರಾರು ಆಲೇರಿಯನ್ ಕಟ್ಟಡಗಳಲ್ಲಿ, ಈಗ ಸೇಂಟ್ ಎಡ್ಮಂಡ್ ಹಾಲ್ (c 1225) ಒಂದೇ ಉಳಿದಿದೆ. ಕಾಲೇಜುಗಳ ಉಗಮವು ಸಭಾಂಗಣಗಳ ಅಂತ್ಯಕ್ಕೆ ಕಾರಣವಾಯಿತು. ಆಕ್ಸ್‌ಫರ್ಡ್‌ನ ಅತ್ಯಂತ ಹಳೆಯ ಕಾಲೇಜುಗಳೆಂದರೆ ವಿಶ್ವವಿದ್ಯಾನಿಲಯ ಕಾಲೇಜು (1249), ಬಾಲಿಯೋಲ್ (1263) ಮತ್ತು ಮೆರ್ಟಾನ್ (1264). ಗ್ರೀಕ್ ತತ್ವ ಜ್ಞಾನಿಗಳ ಲೇಖನಗಳನ್ನು ಯೂರೋಪಿಯನ್ನರು ಭಾಷಾಂತರ ಮಾಡುವ ಸಮಯದಲ್ಲಿ ಈ ಕಾಲೇಜುಗಳು ಸ್ಥಾಪನೆಗೊಂಡವು. ಸಮಾಜವು ತನ್ನ ಹೊಸ ಹಾದಿಯನ್ನು ಕಂಡುಕೊಳ್ಳುವ ಸಮಯದಲ್ಲಿ , ವೈಜ್ಞಾನಿಕ ಅವಿಷ್ಕಾರಗಳು ಮತ್ತು ಕಲೆಯಲ್ಲಿನ ಬೆಳವಣಿಗೆಗಳಿಂದ ಸ್ಪೂರ್ತಿಗೊಂಡು, ಈ ಲೇಖನಗಳು ಯೂರೋಪಿಯನ್ನರ ವೈಚಾರಿಕತೆಗೆ ಸವಾಲನ್ನು ಒಡ್ಡಿದವು. ಚರ್ಚುಗಳಿಂದ ಬೆಂಬಲಿತಗೊಂಡ ಈ ಕಾಲೇಜುಗಳುಗ್ರೀಕ್ ತತ್ವಜ್ಞಾನ ಮತ್ತು ಕ್ರೈಸ್ತ ದೇವಜ್ಞಾನ ಶಾಸ್ತ್ರವನ್ನು ಒಂದುಗೂಡಿಸುವ ಭರವಸೆಯನ್ನು ಹೊಂದಿದ್ದವು. "ನಗರ ಮತ್ತು ನಿಲುವಂಗಿ"ಗಳ ಸಂಬಂಧ ಕೆಲವು ಸಾರಿ ಕಷ್ಟ ಸಾಧ್ಯವಾಗುತ್ತಿತ್ತು. 1355ರ ಸೇಂಟ್ ಸ್ಕೊಲಾಸ್ಟಿಕಾ ಡೇ ದಂಗೆಯಲ್ಲಿ ಸುಮಾರು 93 ವಿದ್ಯಾರ್ಥಿಗಳು ಮತ್ತು ನಗರ ಜನರು ಸಾವನ್ನಪ್ಪಿದರು. 1517ರಲ್ಲಿ ಬೆವರಿನ ಕಾಯಿಲೆ ಎಂಬ ಸಾಂಕ್ರಾಮಿಕ ರೋಗವು ಆಕ್ಸಫರ್ಡ್ ಮತ್ತು ಕೇಂಬ್ರಿಡ್ಜ್‌ನ, ವಿದ್ಯಾರ್ಥಿಗಳು ಮತ್ತು ಶ್ರೀಯುತರನ್ನು ಒಳಗೊಂಡಂತೆ ಸುಮಾರು ಅರ್ಧದಷ್ಟು ಜನರನ್ನು ಕೊಲ್ಲುವುದರ ಮೂಲಕ ಈ ಎರಡೂ ನಗರಗಳನ್ನು ನಾಶಪಡಿಸಿತು. ಕ್ರೈಸ್ಟ್ ಚರ್ಚ್ ಕ್ಯಾಥೆಡ್ರಲ್, ಆಕ್ಸ್‌ಫರ್ಡ್ ಒಂದೇ ಬುನಾದಿಯ ಮೇಲಿರುವ ಕಾಲೇಜು ಚಾಪೆಲ್ ಮತ್ತು ಕ್ಯಾಥೆಡ್ರಲ್ ಆಗಿದ್ದು ಒಂದು ಅದ್ವಿತೀಯ ಕಟ್ಟಡವಾಗಿ ಗುರುತಿಸಿಕೊಂಡಿದೆ. ಮೂಲತಃ ಪ್ರಿಯಾರಿಟಿ ಚರ್ಚ್ ಆಫ್ ಸೇಂಟ್ ಫ್ರೈಡ್ಸ್ ವೈಡ್ ನ ಕಟ್ಟಡವನ್ನು ವಿಸ್ತರಿಸಲಾಗಿತ್ತು ಮತ್ತು ಅದನ್ನು 1546ರಲ್ಲಿ ಕ್ರೈಸ್ಟ್ ಚರ್ಚ್ ಎಂದು ಪುನರ್ಸ್ಥಾಪಿಸುವುದಕ್ಕಿಂತ ಮುಂಚೆ ಕಾರ್ಡಿನಲ್ ಕಾಲೇಜಿನ ಕಟ್ಟಡಕ್ಕೆ ಸೇರಿಸಲಾಗಿತ್ತು. ಆ ಸಮಯದಿಂದ ಇದು ಆಕ್ಸ್‌ಫರ್ಡ್ ಡಯಾಸಿಸ್‌ನ ಕ್ಯಾಥೆಡ್ರಲ್ ಆಗಿ ಕಾರ್ಯ ನಿರ್ವಹಿಸುತ್ತಿದೆ. 1555ರಲ್ಲಿ ತಮ್ಮ ಸಿದ್ಧಾಂತಗಳ ಸಲುವಾಗಿ ಆಕ್ಸ್‌ಫರ್ಡ್ ಹುತಾತ್ಮರನ್ನು ವಿಚಾರಣೆಗೆ ಗುರಿಪಡಿಸಲಾಯಿತು, ನಂತರದಲ್ಲಿ ಅವರನ್ನು ತಮ್ಮ ಧಾರ್ಮಿಕ ನಂಬಿಕೆ ಮತ್ತು ಬೋಧನೆಗಳಿಗೋಸ್ಕರ ಈಗಿನ ಅಗಲ ರಸ್ತೆಗಳ ಮಧ್ಯದಲ್ಲಿ ಕಂಬಕ್ಕೆ ಕಟ್ಟಿ ಸಜೀವವಾಗಿ ಸುಡಲಾಯಿತು. ಇವರುಗಳಲ್ಲಿ ಪ್ರಮುಖ ಮೂರು ಹುತಾತ್ಮರೆಂದರೆ ಬಿಷಪ್‌ರುಗಳಾದ ಹ್ಯೂಗ್ ಲ್ಯಾಟಿಮರ್ ಮತ್ತು ನಿಕೋಲಾಸ್ ರಿಡ್ಲಿ ಮತ್ತು ಆರ್ಚ್ ಬಿಷಪ್‌ರಾದ ಥಾಮಸ್ ಕ್ರಾಮರ್. ಸೇಂಟ್ ಗೈಲ್ಸ್‌ನ ಉತ್ತರದ ಮೂಲೆಯ ಸುತ್ತ ಹುತಾತ್ಮರ ಸ್ಮಾರಕವನ್ನು ನಿಲ್ಲಿಸಲಾಗಿದೆ. ಇಂಗ್ಲೀಷ್ ಸಿವಿಲ್ ಯುದ್ಧದ ಸಮಯದಲ್ಲಿ , 1642 ರಲ್ಲಿ ಆಕ್ಸ್‌ಫರ್ಡ್ ಚಾರ್ಲ್ಸ್ Iನ ರಾಜಸಭೆಗೆ ಅವಕಾಶ ನೀಡಿತು. ಇದರ ನಂತರ ಪಾರ್ಲಿಮೆಂಟ್‌ನ ಕಾರಣಕ್ಕಾಗಿ ನಗರದಲ್ಲಿ ಪ್ರಭಲ ಬೆಂಬಲದ ಹೊರತಾಗಿಯೂ ರಾಜನನ್ನು ಲಂಡನ್‌ನಿಂದ ಗಡಿಪಾರು ಮಾಡಲಾಯಿತು. ನಗರವು 1646ರ ಆಕ್ಸ್‌ಫರ್ಡ್‌ನ ಮುತ್ತಿಗೆಯ ಸಮಯದಲ್ಲಿ ಜನರಲ್ ಫೇರ್ ಫ್ಯಾಕ್ಸ್ನ ಅಡಿಯಲ್ಲಿ ಪಾರ್ಲಿಮೆಂಟ್‌ನ ಬಲಗಳಿಗೆ ಮಣಿಯಿತು. ನಂತರ ಇದು 1665–66ರಲ್ಲಿ ಲಂಡನ್‌ನ ಅತಿ ದೊಡ್ಡ ಪ್ಲೇಗ್ ರೋಗದ ಸಮಯದಲ್ಲಿ ಚಾರ್ಲ್ಸ್ II ಒಡ್ಡೋಲಗಕ್ಕೆ ಅವಕಾಶ ನೀಡಿತು. ಈ ರೀತಿ ಮಾಡುವುದಕ್ಕೆ ಮನಸಿಲ್ಲದಿದ್ದರೂ ಸಹ ಪ್ಲೇಗ್ ಹೆಚ್ಚಾಗಿದ್ದರಿಂದ ಆತನು ಬಲವಂತವಾಗಿ ಆ ಸ್ಥಳವನ್ನು ಖಾಲಿ ಮಾಡಬೇಕಾಯಿತು. 1644 ಮತ್ತು 1671ರಲ್ಲಿ ನಗರವು ಎರಡು ಬೆಂಕಿ ಅನಾಹುತಗಳಿಗೆ ಗುರಿಯಾಯಿತು. 1790ರಲ್ಲಿ ಆಕ್ಸ್‌ಫರ್ಡ್ ಕಾಲುವೆ ನಗರವನ್ನು ಕೊವೆಂಟ್ರಿಯೊಂದಿಗೆ ಸಂಪರ್ಕಿಸಿತು. 1789 ರಲ್ಲಿ ಹೊಸ ಕಾಲುವೆಯನ್ನು ಥೇಮ್ಸ್ ನದಿಯೊಂದಿಗೆ ಸಂಪರ್ಕಿಸುವ ಸಲುವಾಗಿ ಡ್ಯೂಕ್ ಆಫ್ ಮಾರ್ಲ್ ಬೊರೊ ಡ್ಯೂಕ್ ಕಟ್ಟನ್ನು ಪೂರ್ಣಗೊಳಿಸಿದನು.1796ರಲ್ಲಿ ಐಸಿಸ್ ಲಾಕ್ ನಲ್ಲಿ ಆಕ್ಸ್‌ಫರ್ಡ್ ಕಾಲುವೆ ಕಂಪನಿಯು ಥೇಮ್ಸ್ ನದಿಗೆ ತನ್ನದೇ ಆದ ಸಂಪರ್ಕವನ್ನು ನಿರ್ಮಿಸಿತು. 1844ರಲ್ಲಿ ಗ್ರೇಟ್ ವೆಸ್ಟರ್ನ್ ರೈಲ್ವೇಯು ಆಕ್ಸ್‌ಫರ್ಡ್‌ ಅನ್ನು ಡಿಡ್‌ಕಾಟ್ ಮತ್ತು ರೀಡಿಂಗ್ ಮೂಲಕ ಲಂಡನ್‌ನ್ನು ಸಂಪರ್ಕಿಸಿತು. ಶೀಘ್ರದಲ್ಲೇ ಇತರ ರೈಲು ಮಾರ್ಗಗಳು ಇದನ್ನು ಅನುಸರಿಸಿತು. 19ನೇ ಶತಮಾನದಲ್ಲಿ, ಆಂಗ್ಲಿಕನ್ ಚರ್ಚ್‌ನಲ್ಲಿ ಆಕ್ಸ್‌ಫರ್ಡ್ ಚಳುವಳಿಯ ಬಗ್ಗೆ ಇದ್ದ ವಿವಾದವು ಒಂದು ದೈವಜ್ಞಾನದ ಚಿಂತನೆಯ ಕೇಂದ್ರವಾಗಿ ನಗರದ ಗಮನವನ್ನು ಸೆಳೆಯಿತು. ಆಕ್ಸ್‌ಫರ್ಡ್‌ನ ಟೌನ್ ಹಾಲ್ ಅನ್ನು ಹೆನ್ರಿ ಟಿ. ಹಾರ್ ನಿರ್ಮಿಸಿದನು. 1893 ಜುಲೈ 6ರಂದು ಇದರ ಶಂಕು ಸ್ಥಾಪನೆಯನ್ನು ನೆರವೇರಿಸಲಾಯಿತು. 1897 ಮೇ 12ರಂದು ಭಾವಿ ರಾಜನಾದ ಎಡ್ವರ್ಡ್ VII ಇದನ್ನು ಪ್ರಾರಂಭಿಸಿದನು. 1292ರ ಗಿಲ್ಡ್‌ಹಾಲ್‌ನ ಕಾಲದಿಂದಲೂ ಇದು ಸ್ಥಳೀಯ ಸರ್ಕಾರದ ತಾಣವಾಗಿದೆ. ಆಕ್ಸ್‌ಫರ್ಡ್ ಒಂದು ನಗರವಾಗಿದ್ದರೂ ಮತ್ತು ಲಾರ್ಡ್ ಮೇಯರ್ ಇದ್ದರೂ, ಇದನ್ನು ಸಾಂಪ್ರದಾಯಿಕವಾಗಿ "ಟೌನ್ ಹಾಲ್" ಎಂದು ಕರೆಯೆಲಾಗುತ್ತದೆ. 20ನೇ ಶತಮಾನದ ಆರಂಭದೊಳಗಾಗಿ , ಆಕ್ಸ್‌ಫರ್ಡ್ ಕ್ಷಿಪ್ರಗತಿಯ ಕೈಗಾರಿಕಾ ಮತ್ತು ಜನಸಂಖ್ಯೆಯ ಬೆಳವಣಿಗೆಯನ್ನು ಅನುಭವಿಸುತ್ತಿತ್ತು.1920ರ ಹೊತ್ತಿಗೆ ಮುದ್ರಣ ಮತ್ತು ಪ್ರಕಾಶನಾ ಉದ್ಯಮಗಳು ಉತ್ತಮವಾಗಿ ಬೆಳೆದು ನಿಂತಿದ್ದವು. ಇಷ್ಟೇ ವಿಲಿಯಂ ಮೊರಿಸ್ರವರು ನಗರದ ದಕ್ಷಿಣ ತುದಿಯಲ್ಲಿರುವ ಕೌಲಿಯಲ್ಲಿ ಕಾರುಗಳ ತಯಾರಿಕೆಗಾಗಿ ಮೊರಿಸ್ ಮೋಟಾರ್ ಕಂಪನಿಯನ್ನು ಸ್ಥಾಪಿಸಿದರು. ಇದು ಆ ದಶಕದಲ್ಲಿ ಆಕ್ಸ್‌ಫರ್ಡ್‌ನ ಆರ್ಥಿಕ ಮತ್ತು ಸಾಮಾಜಿಕ ಸನ್ನಿವೇಶಗಳಲ್ಲಿ ಒಂದು ದೊಡ್ಡ ಬದಲಾವಣೆಯನ್ನು ಉಂಟುಮಾಡಿತು. 1970ರ ಪ್ರಾರಂಭದಲ್ಲಾಗಲೇ ಕೌಲಿಯಲ್ಲಿರುವ ಬೃಹತ್ ಮಾರಿಸ್ ಮೋಟಾರ್ಸ್ ಮತ್ತು ಪ್ರೆಸ್ಡ್ ಸ್ಟೀಲ್ ಫಿಶರ್ ಕಾರ್ಖಾನೆಗಳಲ್ಲಿ 20,000 ಕ್ಕಿಂತಲೂ ಹೆಚ್ಚು ಜನ ಕೆಲಸ ಮಾಡುತ್ತಿದ್ದರು, ಈ ವೇಳೆಗಾಗಲೇ ಆಕ್ಸ್‌ಫರ್ಡ್ ನಗರವು ಎರಡು ಭಾಗಗಳಾಗಿ ಹೋಗಿತ್ತು: ವಿಶ್ವವಿದ್ಯಾನಿಲಯ ನಗರವು ಮಾಗ್ದಲಿನ್ ಸೇತುವೆಯ ಪಶ್ಚಿಮಕ್ಕೂ ಮತ್ತು ಕಾರ್ ಟೌನ್ ಪೂರ್ವಕ್ಕೂ ವಿಭಜನೆಯಾಗಿದ್ದವು. ಇದು "ಆಕ್ಸ್‌ಫರ್ಡ್ ಕೌಲಿಯ ಕೈಬಿಡಲ್ಪಟ್ಟ ದಡ" ಎಂಬ ಹಾಸ್ಯೋಕ್ತಿಗೆ ಕಾರಣವಾಯಿತು. 1980ಮತ್ತು 1990ರಲ್ಲಿ ಬ್ರಿಟೀಷ್ ಲೆಲ್ಯಾಂಡ್ನ ಅವನತಿಯ ಸಮಯದಲ್ಲಿ ಕೌಲಿಯು ಪ್ರಮುಖ ಉದ್ಯೋಗಗಳ ಕೊರತೆಯಿಂದ ನರಳಬೇಕಾಯಿತು. ಆದರೆ ಈಗ ಸಣ್ಣಪ್ರಮಾಣದಲ್ಲಿ ಬಿಎಮ್‌ಡಬ್ಲುಗಾಗಿ ಹೊಸ ಎಮ್‌ಐ‌ಎನ್‌ಐ ಅನ್ನು ಯಶಸ್ವಿಯಾಗಿ ಉತ್ಪಾದಿಸುತ್ತಿದೆ. 1990ರಲ್ಲಿ ಕೌಲಿಯಲ್ಲಿರುವ ಅಸಲು ಕಾರು ತಯಾರಿಕಾ ಸೌಲಭ್ಯದ ದೊಡ್ಡ ಪ್ರದೇಶವನ್ನು ನಾಶಮಾಡಲಾಯಿತು. ಈಗ ಇದು ಆಕ್ಸ್‌ಫರ್ಡ್ ವ್ಯಾಪಾರ ಪಾರ್ಕ್ನ ತಾಣವಾಗಿದೆ. ಕಾರು ತಯಾರಿಕಾ ಘಟಕ ಮತ್ತು ಆಸ್ಪತ್ರೆಗಳಿಗಾಗಿ ಕಾರ್ಮಿಕರ ಒಳ ಹರಿವು, ದಕ್ಷಿಣ ಆಫ್ರಿಕನ್ನರ ಇತ್ತೀಚೆಗಿನ ವಲಸೆ ಮತ್ತು ವಿದ್ಯಾರ್ಥಿಗಳ ಅತಿ ದೊಡ್ಡ ಸಂಖ್ಯೆ, ಆಕ್ಸ್‌ಫರ್ಡ್ ಪಟ್ಟಣಕ್ಕೆ ಗುರುತಿಸಬಹುದಾದ ಉದಾರತೆಯ ಗುಣವನ್ನು ತಂದುಕೊಟ್ಟಿದೆ. ವಿಶೇಷವಾಗಿ ಹೆಡಿಂಗ್ಟನ್ ಮತ್ತು ಕೌಲಿ ರಸ್ತೆಯ ಸ್ಥಳಗಳಲ್ಲಿರುವ ಹಲವಾರು ಬಾರ್‌ಗಳು, ಕೆಫೆಗಳು, ಉಪಹಾರ ಗೃಹಗಳು, ಕ್ಲಬ್‌ಗಳು, ಸಾಂಪ್ರದಾಯಿಕ ಅಂಗಡಿಗಳು ಮತ್ತು ಫಾಸ್ಟ್‌ ಫುಡ್ ತಾಣಗಳು ನಗರದ ಈ ಗುಣವನ್ನು ಇಮ್ಮಡಿಯಾಗಿಸಿವೆ. ಆಕ್ಸ್‌ಫರ್ಡ್ ನಗರವು 2005 ರ ಇತ್ತೀಚೆಗಿನ ಜನಸಂಖ್ಯೆಯ ಅಂದಾಜಿನ ಪ್ರಕಾರ ಬ್ರಿಟನ್ನಿನ ಅತ್ಯಂತ ವೈವಿದ್ಯಮಯ ಸಣ್ಣ ನಗರಗಳಲ್ಲಿ ಒಂದಾಗಿದೆ. 16.2% ರಷ್ಟು ಬಿಳಿಯರಲ್ಲದ ಅಲ್ಪಸಂಖ್ಯಾತ ಜಾನಾಂಗೀಯ ಗುಂಪನ್ನೊಳಗೊಂಡಂತೆ(ಒ‌ಎನ್‌ಎಸ್). 27% ರಷ್ಟು ಜನಸಂಖ್ಯೆಯಷ್ಟು ಜನಾಂಗೀಯ ಅಲ್ಪಸಂಖ್ಯಾತ ಗುಂಪನ್ನು ಹೊಂದಿದೆ. ಈ ಅಂಕಿ ಅಂಶಗಳು, ನಗರಕ್ಕೆ ವಲಸೆ ಬಂದ ಇತ್ತೀಚೆಗಿನ ಅಂತರಾಷ್ಟ್ರೀಯ ವಲಸಿಗರನ್ನು ಗಣನೆಗೆ ತೆಗೆದುಕೊಂಡಿಲ್ಲ. 2005/06 ಮತ್ತು 2006/07ರ ನಡುವೆ ಆಕ್ಸ್‌ಫರ್ಡ್‌ನಲ್ಲಿ 10,000 ಕ್ಕಿಂತಲೂ ಹೆಚ್ಚಿನ ಜನರು ರಾಷ್ಟ್ರೀಯ ವಿಮಾ ಸಂಖ್ಯೆಯಲ್ಲಿ ತಮ್ಮ ಹೆಸರುಗಳನ್ನು ನೊಂದಾಯಿಸಿದ್ದಾರೆ. 1954 ಮೇ 6 ರಂದು, 25ವರ್ಷದ ವೈದ್ಯಕೀಯ ವಿದ್ಯಾರ್ಥಿಯಾದ ರೋಜರ್ ಬ್ಯಾನಿಸ್ಟೆರ್, ಮೊಟ್ಟ ಮೊದಲಬಾರಿಗೆ ಆಕ್ಸ್‌ಫರ್ಡ್‌ನ ಇಫ್ಲೆ ರಸ್ತೆಯಲ್ಲಿ ನಾಲ್ಕು-ನಿಮಿಷಕ್ಕೆ ಒಂದು ಮೈಲಿಯನ್ನು ಅಧಿಕೃತವಾಗಿ ಓಡಿ ದಾಖಲೆ ಮಾಡಿದನು. ಈ ಮೊದಲು ಬ್ಯಾನಿಸ್ಟರ್ ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯದಲ್ಲಿ ಅಭ್ಯಾಸ ಮಾಡಿದ್ದು, ವಾಸ್ತವವಾಗಿ ಲಂಡನ್‌ನ ಸೇಂಟ್ ಮೇರಿ ಹಾಸ್ಪಿಟಲ್ ಮೆಡಿಕಲ್ ಶಾಲೆಯಲ್ಲಿ ಅಭ್ಯಾಸ ಮಾಡುತ್ತಿದ್ದನು. ಆಕ್ಸ್‌ಫರ್ಡ್‌ನ ಎರಡನೇ ವಿಶ್ವವಿದ್ಯಾನಿಲಯವಾದ ಆಕ್ಸ್‌ಫರ್ಡ್ ಬ್ರೂಕ್ಸ್ ವಿಶ್ವವಿದ್ಯಾನಿಲಯ ಮೊದಲು ಆಕ್ಸ್‌ಫರ್ಡ್ ಸ್ಕೂಲ್ ಆಫ್ ಆರ್ಟ್ಸ್ ನಂತರ ಆಕ್ಸ್‌ಫರ್ಡ್ ಪಾಲಿಟೆಕ್ನಿಕ್ ಆದ ಈ ವಿಶ್ವ ವಿದ್ಯಾನಿಲಯಕ್ಕೆ 1991 ರಲ್ಲಿ ಹೆಡ್ಡಿಂಗ್ಟನ್ ಹಿಲ್, ಆಧಾರದಮೇಲೆ ಶಾಸನಾಧಿಕಾರವನ್ನು ಕೊಡಲಾಯಿತು. ಕಳೆದ ಹತ್ತು ವರ್ಷಗಳಿಂದ ಇದು ಯುಕೆಯಲ್ಲಿನ ಅತ್ಯುತ್ತಮ ವಿಶ್ವವಿದ್ಯಾನಿಲಯವಾಗಿ ಆಯ್ಕೆಯಾಗುತ್ತಾ ಬಂದಿದೆ.[] ಶಾಲೆಯ ಸಂಸ್ಥಾಪಕರಾದ ಜಾನ್ ಹೆನ್ರಿ ಬ್ರೂಕ್ಸ್‌ ಗೌರವಾರ್ಥವಾಗಿ ಅವರ ಹೆಸರನ್ನಿಡಲಾಗಿದೆ.

ಭೂಗೋಳ ಶಾಸ್ತ್ರ/ಭೂ ವಿವರಣೆ

ಆಕ್ಸ್‌ಫರ್ಡ್‌ನ ಅಕ್ಷಾಂಶ ಮತ್ತು ರೇಖಾಂಶಗಳು Coordinates: ಅಥವಾ grid reference SP513061 (ಕಾರ್ಫ್ಯಾಕ್ಸ್ ಟವರ್ ಅನ್ನು ಸಾಮಾನ್ಯವಾಗಿ ಕೇಂದ್ರವೆಂದು ಪರಿಗಣಿಸಲಾಗುತ್ತದೆ).

ಸ್ಥಳ

Destinations from Oxford

ಹವಾಗುಣ

("Cfb " ಕೊಪ್ಪೆನ್ ಪದ್ಧತಿಯ) ಪ್ರಕಾರ ಆಕ್ಸ್‌ಫರ್ಡ್ ಸಮುದ್ರ ಮಟ್ಟದ ಸಮಶೀತೋಷ್ಣ ಹವಾಮಾನವನ್ನು ಹೊಂದಿದೆ. ಬಹುತೇಕ ಅಟ್ಲಾಂಟಿಕ್ನಿಂದ ಬರುವ ಹವಾಮಾನದ ವ್ಯವಸ್ಥೆಗಳಿಂದಾಗಿ ಹೆಪ್ಪುಗಟ್ಟುವಿಕೆಯು ವರ್ಷ ಪೂರ್ತಿ ಸಮನಾಗಿ ಹಂಚಲ್ಪಟ್ಟಿರುತ್ತದೆ. ಇಲ್ಲಿಯವರೆಗೂ ಆಕ್ಸ್‌ಫರ್ಡ್‌ನಲ್ಲಿ ದಾಖಲಾದ ಅತಿ ಕಡಿಮೆ ಉಷ್ಣತೆ ಎಂದರೆ −16.6 °C (2.1 °F) ಜನವರಿ 1982ರ ಉಷ್ಣತೆ. ಆಕ್ಸ್‌ಫರ್ಡ್ ನಲ್ಲಿ ದಾಖಲಾದ ಅತ್ಯಂತ ಹೆಚ್ಚು ಉಷ್ಣತೆಯೆಂದರೆ 2003 ಯೂರೋಪಿನ ಉಷ್ಣ ತರಂಗಸಮಯದಲ್ಲಿ ದಾಖಲಾದ35.6 °C (96 °F) ಆಗಸ್ಟ್ 2003 ರ ಉಷ್ಣತೆ. ಆಕ್ಸ್‌ಫರ್ಡ್‌ನಲ್ಲಿ ಹವಾಮಾನದ ಬದಲಾವಣೆಗಳಿಂದಾಗಿ ಉಷ್ಣತೆಗಳು ಹೆಚ್ಚುತ್ತಿದ್ದು, ಬೇಸಿಗೆಯಲ್ಲಿ ಮಳೆಯ ಪ್ರಮಾಣ ಅಧಿಕವಾಗಿದ್ದು ಮತ್ತು ಚಳಿಗಾಲದಲ್ಲಿ ಕಡಿಮೆ ಇರುತ್ತದೆ ಎಂಬ ಅಭಿಪ್ರಾಯವಿದೆ.[] ಈ ಕೆಳಕಂಡ ಸರಾಸರಿ ಲಕ್ಷಣಗಳನ್ನು ರಾಡ್‌ಕ್ಲಿಫ್ ಹವಮಾನ ಕೇಂದ್ರದಿಂದ ದಾಖಲಿಸಲಾಗಿದೆ. ಬ್ರಿಟನ್ನಿನ ಒಂದು ಸ್ಥಳದಲ್ಲಿ ಇದು ಅತಿ ಧೀರ್ಘಾವಧಿಯ ಉಷ್ಣತೆ ಮತ್ತು ಮಳೆಯ ದಾಖಲೆಗಳನ್ನು ಹೊಂದಿದ ಕೀರ್ತಿಯನ್ನು ಪಡೆದಿದೆ. ಈ ದಾಖಲೆಗಳು ಜನವರಿ 1815 ಯಿಂದ ನಿರಂತರವಾಗಿವೆ. 1767 ರಿಂದ ಅವ್ಯವಸ್ಥಿತ ಮಳೆ, ಮೋಡ ಮತ್ತು ಉಷ್ಣತೆಗಳು ಕಾಣಿಸಿಕೊಳ್ಳತೊಡಗಿದವು.

Oxford, UKದ ಹವಾಮಾನ ದತ್ತಾಂಶ
ತಿಂಗಳು ಫೆ ಮಾ ಮೇ ಜೂ ಜು ಸೆ ಆಕ್ಟೋ ಡಿ ವರ್ಷ
ಅಧಿಕ ಸರಾಸರಿ °C (°F) 6.8
(44.2)
7.4
(45.3)
10.1
(50.2)
13.0
(55.4)
16.7
(62.1)
19.8
(67.6)
21.7
(71.1)
21.2
(70.2)
18.5
(65.3)
14.2
(57.6)
9.8
(49.6)
7.4
(45.3)
13.9
(57)
ಕಡಮೆ ಸರಾಸರಿ °C (°F) 1.4
(34.5)
1.4
(34.5)
2.5
(36.5)
4.3
(39.7)
7.2
(45)
10.2
(50.4)
12.2
(54)
11.9
(53.4)
9.8
(49.6)
6.8
(44.2)
3.8
(38.8)
2.1
(35.8)
6.1
(43)
Average precipitation mm (inches) 52.6
(2.071)
41.0
(1.614)
41.1
(1.618)
43.9
(1.728)
50.6
(1.992)
53.3
(2.098)
59.5
(2.343)
58.3
(2.295)
60.3
(2.374)
65.3
(2.571)
61.8
(2.433)
55.8
(2.197)
643.5
(25.335)
Mean sunshine hours 54.3 70.3 113.3 151.8 191.8 196.9 191.6 180.3 138.3 102.8 64.4 48.8 ೧,೫೦೪.೩
Source: Radcliffe Meteorological Station (NB: Data from the period 1881–2004)

ಆರ್ಥಿಕ ಸ್ಥಿತಿ

ಆಕ್ಸ್‌ಫರ್ಡ್ ಉಪನಗರವಾದ ಕೌರಿಯು ಕಾರ್ ತಯಾರಿಕೆಯಲ್ಲಿ ಧೀರ್ಘವಾದ ಚರಿತ್ರೆಯನ್ನು ಹೊಂದಿದೆ. ಇದು ಈಗ ಬಿಎಮ್‌ಡಬ್ಲು ಎಮ್‌ಐ‌ಎನ್‌ಐಯನ್ನು ಉತ್ಪಾದಿಸುತ್ತಿದೆ.

ಮದ್ಯ ತಯಾರಿಸುವಿಕೆ

ಆಕ್ಸ್‌ಫರ್ಡ್ ಮೂಲದ ಪ್ರಾದೇಶಿಕ ಮದ್ಯದ ಅಂಗಡಿಯನ್ನು 1743 ರಲ್ಲಿ ರಿಚರ್ಡ್ ಟಾನೇ ಸ್ಥಾಪಿಸಿದನು. 1782 ರಲ್ಲಿ ಮಾರ್ಕ್ ಮತ್ತು ಜೇಮ್ಸ್ ಮೊರೆಲ್ ನೊಂದಿಗೆ ಪಾಲುಗಾರಿಕೆಯನ್ನು ನಡೆಸಿದನು. ಕಾಲಾಂತರದಲ್ಲಿ ಇವರೇ ಆ ಅಂಗಡಿಯ ಮಾಲಿಕರಾದರು. "ಲಯನ್ ಬ್ರೆವರಿ" ಎಂದು ಕರೆಯಲಾಗುವ ಈ ಅಂಗಡಿಯ ಕಟ್ಟಡವು ಸೇಂಟ್ ಥಾಮಸ್ ರಸ್ತೆಯಲ್ಲಿತ್ತು. ಇದು "ಸಾಂಬುಕಾ" ಎಂಬ ಪಾನೀಯಕ್ಕೆ ಹೆಸರಾಗಿತ್ತು.[] ತೀವ್ರವಾದ ಕೌಟುಂಬಿಕ ಕಲಹಗಳ ನಂತರ ಈ ಪ್ರೀತಿ ಪಾತ್ರವಾದ ಮಧ್ಯದ ಅಂಗಡಿಯನ್ನು 1998ರಲ್ಲಿ ಮುಚ್ಚಲಾಯಿತು, ದಿ ಬಿಯರ್ ಬ್ರಾಂಡ್ ಹೆಸರುಗಳನ್ನು ಥಾಮಸ್ ಹಾರ್ಡಿ ಬರ್ಟನ್ ವುಡ್ ಬ್ರೆವರಿ ತೆಗೆದುಕೊಂಡಿತು. ಆದರೆ ಇದಕ್ಕೆ ಹೊಂದಿಕೊಂಡಿದ್ದ 132 ಪಬ್ ಗಳನ್ನು " ಮೊರೆಲ್ ಆಫ್ ಆಕ್ಸ್‌ಫರ್ಡ್ " ಕೊಂಡುಕೊಂಡಿತು. ನಂತರ ಇದು 2002ರಲ್ಲಿ ಸಗಟನ್ನು ಗ್ರೀನ್ ಕಿಂಗ್‌ಗೆ ಮಾರಿತು. 2002ರಲ್ಲಿ ಲಯನ್ ಬ್ರೆವರಿ ಸುಖಭೊಗದ ಮಹಲುಗಳಾಗಿ ಮಾರ್ಪಾಡು ಹೊಂದಿದವು.

ವಾಣಿಜ್ಯ ಪ್ರದೇಶಗಳು

  • ಬ್ರಾಡ್ ಸ್ಟ್ರೀಟ್
  • ಕ್ಲಾರೆಂಡನ್ ಶಾಪಿಂಗ್ ಸೆಂಟರ್
  • ಕಾರ್ನ್‌ಮಾರ್ಕೆಟ್ ಸ್ಟ್ರೀಟ್
  • ಜಾರ್ಜ್ ಸ್ಟ್ರೀಟ್
  • ಗೋಲ್ಡನ್ ಕ್ರಾಸ್
  • ದಿ ಹೈ ಸ್ಟ್ರೀಟ್
  • ಲಿಟಲ್ ಕ್ಲಾರೆಂಡನ್ ಸ್ಟ್ರೀಟ್
  • ಕ್ವೀನ್ ಸ್ಟ್ರೀಟ್, ಆಕ್ಸ್‌ಫರ್ಡ್
  • ದಿ ಕವರ್ಡ್ ಮಾರ್ಕೆಟ್
  • ಟರ್ಲ್ ಸ್ಟ್ರೀಟ್
  • ವೆಸ್ಟ್‌ಗೇಟ್ ಶಾಪಿಂಗ್ ಸೆಂಟರ್
  • ಆಕ್ಸ್‌ಫರ್ಡ್ ಕ್ಯಾಸಲ್
  • ಗ್ಲೌಸೆಸ್ಟರ್ ಗ್ರೀನ್

ಸಿಟಿ ಸೆಂಟರ್‌ನ ಹೊರಭಾಗದಲ್ಲಿರುವ ಪ್ರದೇಶಗಳು:

  • ಬಂಬುರಿ ರೋಡ್, ಸಮ್ಮರ್‌ಟೌನ್, ಆಕ್ಸ್‌ಫರ್ಡ್
  • ಬೊಟ್ಲೆ ರೋಡ್, ಆಕ್ಸ್‌ಫರ್ಡ್
  • ಕೌಲೆ ರೀಟೇಲ್ ಪಾರ್ಕ್, ಕೌಲೆ, ಆಕ್ಸ್‌ಫರ್ಡ್
  • ಕೌಲೆ ರೋಡ್, ಆಕ್ಸ್‌ಫರ್ಡ್
  • ಇಫ್ಲೇ ರೋಡ್, ಆಕ್ಸ್‌ಫರ್ಡ್
  • ಲಂಡನ್ ರೋಡ್, ಹೆಡಿಂಗ್‌ಟನ್, ಆಕ್ಸ್‌ಫರ್ಡ್
  • ನಾರ್ತ್ ಪೆರೇಡ್, ಆಕ್ಸ್‌ಫರ್ಡ್
  • ಸೇಂಟ್. ಕ್ಲೆಮೆಂಟ್ಸ್, ಆಕ್ಸ್‌ಫರ್ಡ್
  • ಟೆಂಪ್ಲರ್ಸ್ ಸ್ಕ್ವೇರ್ ಶಾಪಿಂಗ್ ಸೆಂಟರ್, ಕೌಲೆ, ಆಕ್ಸ್‌ಫರ್ಡ್
  • ವಾಲ್ಟನ್ ಸ್ಟ್ರೀಟ್, ಜೆರಿಚೊ, ಆಕ್ಸ್‌ಫರ್ಡ್
  • ನ್ಯೂ ಬೊಟ್ಲೆ

ಥಿಯೇಟರ್‌ಗಳು ಮತ್ತು ಸಿನಿಮಾಗಳು

  • ಬರ್ಟನ್ ಟೇಲರ್ ಥಿಯೇಟರ್, ವೊರ್ಸೆಸ್ಟರ್ ಸ್ಟ್ರೀಟ್
  • ನ್ಯೂ ಥಿಯೇಟರ್, ಜಾರ್ಜ್ ಸ್ಟ್ರೀಟ್
  • ಒಡಿಯನ್ ಸಿನೆಮಾ, ಜಾರ್ಜ್ ಸ್ಟ್ರೀಟ್
  • ಒಡಿಯನ್ ಸಿನೆಮಾ, ಮಗ್ಡಲೆನ್ ಸ್ಟ್ರೀಟ್
  • ಓಲ್ಡ್ ಫೈರ್ ಸ್ಟೇಷನ್ ಥಿಯೇಟರ್, ಜಾರ್ಜ್ ಸ್ಟ್ರೀಟ್
  • ಆಕ್ಸ್‌ಫರ್ಡ್ ಪ್ಲೇಹೌಸ್, ಬಿಯಮಂಟ್ ಸ್ಟ್ರೀಟ್
  • ಪಿಗಾಸಸ್ ಥಿಯೇಟರ್, ಮಗ್ಡಲೆನ್ ರೋಡ್
  • ಒ'ರೀಲ್ಲಿ ಥಿಯೇಟರ್, ಬ್ಲ್ಯಾಕ್‌ಹಾಲ್ ರೋಡ್
  • ಫೋನಿಕ್ಸ್ ಪಿಕ್ಛರ್‌ಹೌಸ್, ವಾಲ್ಟನ್ ಸ್ಟ್ರೀಟ್
  • ಅಲ್ಟಿಮೇಟ್ ಪಿಕ್ಚರ್ ಪ್ಯಾಲೇಸ್, ಕೌಲೆ ರೋಡ್
  • ವ್ಯು ಸಿನೆಮಾ, ಗ್ರಿನೊಬಲ್ ರೋಡ್

ಮೈಲಿಗಲ್ಲುಗಳು

The spires of Oxford facing Christ Church to the south (Christ Church Cathedral on the left and Tom Tower on the right)

ಆಕ್ಸ್‌ಫರ್ಡ್ ಹಲವಾರು ಪ್ರಮುಖ ಪ್ರವಾಸಿ ಆಕರ್ಷಣಾ ಸ್ಥಳಗಳನ್ನು ಹೊಂದಿದ್ದು, ಇದರಲ್ಲಿ ಹಲವು ವಿಶ್ವವಿದ್ಯಾನಿಲಯ ಮತ್ತು ಕಾಲೇಜುಗಳಿಗೆ ಸಂಬಂಧಿಸಿವೆ. ಪ್ರಸಿದ್ಧ ಸಂಸ್ಥೆಗಳಷ್ಟೇ ಅಲ್ಲದೆ, ಕಾಫಾಕ್ಸ್ ಗೋಪುರ ಮತ್ತು ಯುನಿವರ್ಸಿಟಿ ಚರ್ಚ್ ಆಫ್ ಸೇಂಟ್ ಮೇರಿ ದಿ ವರ್ಜಿನ್, ಗಳಿಗೆ ನಗರವು ಕೇಂದ್ರವಾಗಿದೆ. ಈ ಎರಡೂ ಗೋಪುರಗಳು ನಗರದಲ್ಲಿ ಎದ್ದು ಕಾಣುವ ರಚನೆಗಳಾಗಿವೆ. ಅನೇಕ ಚಾರಿತ್ರಿಕ ಅಂಗಡಿಗಳು ಮಾರುಕಟ್ಟೆಯನ್ನು ಸುತ್ತುವರೆದಿವೆ. ಬೇಸಿಗೆಕಾಲದಲ್ಲಿ ಥೇಮ್ಸ್/ಐಸಿಸ್ ಮತ್ತು ಚೆರ್ವೆಲ್ ನದಿಗಳಲ್ಲಿ ದೋಣಿ ನಡೆಸುವುದು ಜನಪ್ರಿಯವಾಗಿದೆ.

ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ

ಆಕ್ಸ್‌ಫರ್ಡ್ ವಿಶ್ವವಿದ್ಯಾನಿಲಯ ವು ಪ್ರಪಂಚದ ಪ್ರಸಿದ್ಧ ವಿಶ್ವವಿದ್ಯಾನಿಲಯಗಳಲ್ಲಿ ಒಂದಾಗಿದ್ದು, ಪ್ರಂಪಂಚದ ಅಗ್ರ ಪಂಕ್ತಿಯಲ್ಲಿರುವ ವಿದ್ಯಾಸಂಸ್ಥೆಗಳು ಪ್ರಂಪಂಚದ ಎಲ್ಲಾ ಭಾಗಗಳಿಂದ ಆಕ್ಸ್‌ಫರ್ಡ್ ಗೆ ಆಗಮಿಸುತ್ತಿವೆ.

ಸಿಟಿ ಸೆಂಟರ್

ಪ್ರವಾಸಿಗರಿಗೆ ಪ್ರಮುಖ ಆಕರ್ಷಣೀಯ ಸ್ಥಳವಾಗಿರುವುದಲ್ಲದೆ ( 2008ರಲ್ಲಿ 9.1 ಮಿಲಿಯನ್ ಮತ್ತು 2009ರಲ್ಲಿ ಅಷ್ಟೇ ಸಂಖ್ಯೆಯ ಪ್ರವಾಸಿಗರು ), ಆಕ್ಸ್‌ಫರ್ಡ್‌ನ ಸಿಟಿಸೆಂಟರ್ ಹಲವಾರು ಅಂಗಡಿಗಳು, ಕೆಲವು ಚಿತ್ರಮಂದಿರಗಳು ಮತ್ತು ಒಂದು ಐಸ್ ರಿಂಕ್ ಅನ್ನು ಹೊಂದಿದೆ. ಇಲ್ಲಿರುವ ಚಾರಿತ್ರಿಕ ಸ್ಥಳಗಳು ಈ ಸ್ಥಳವನ್ನು ಚಲನಚಿತ್ರ ಮತ್ತು ದೂರದರ್ಶನದ ಜನಪ್ರಿಯ ತಾಣವನ್ನಾಗಿ ಮಾಡಿದೆ. ನಗರದ ಸಿಟಿ ಸೆಂಟರ್ ಸಾಪೇಕ್ಷವಾಗಿ ಚಿಕ್ಕದಾಗಿದ್ದು, ಕಾರ್ ಫಾಕ್ಸ್ ,ಆಕ್ಸ್‌ಫರ್ಡ್‌ನ ಅದರ ಕೇಂದ್ರವಾಗಿದೆ. ಇಲ್ಲಿನ ಅಡ್ಡ ರಸ್ತೆಯಲ್ಲಿ ಕ್ಲಾಕ್ ಟವರ್‌ನ್ನು ನಿಲ್ಲಿಸಲಾಗಿದೆ. ಇದು ಕಾರ್ನ್ ಮಾರುಕಟ್ಟೆ (ಪಾದಾಚಾರೀಕರಣಗೊಳಿಸಿದ) ಕ್ವೀನ್ ಬೀದಿ (ಅರೆ-ಪಾದಾಚಾರೀಕರಣಗೊಳಿಸಿದ) ಸೇಂಟ್ ಆಲ್ಡೇಟ್ ಮತ್ತು ದಿ ಹೈಗಳ ಮಧ್ಯೆ ಸಂಪರ್ಕವನ್ನು ಉಂಟುಮಾಡುತ್ತದೆ. ಕಾರ್ನ್ ಮಾರುಕಟ್ಟೆ ಬೀದಿ ಮತ್ತು ಕ್ವೀನ್ ಬೀದಿಗಳು ಆಕ್ಸ್‌ಫರ್ಡ್‌ನ ವೈವಿದ್ಯಮಯವಾದ ಸರಣಿ ಅಂಗಡಿಗಳಿಗೆ ತವರು ಮನೆಯಾಗಿದೆ. ಇದರೊಂದಿಗೆ ಸಣ್ಣ ಸಂಖ್ಯೆಯ ಸ್ವತಂತ್ರ ಚಿಲ್ಲರೆ ಅಂಗಡಿಗಳೂ ಇವೆ. ಇವುಗಳಲ್ಲಿ 1738ರಲ್ಲಿ ಸ್ಥಾಪನೆಗೊಂಡ ಬೋಸ್‌ವೆಲ್ಸ್ ಅತ್ಯಂತ ಹಳೆಯ ಮಳಿಗೆಯಾಗಿದೆ. ಸೇಂಟ್ ಆಲ್ಡೇಟ್ ಕೆಲವು ಅಂಗಡಿಗಳನ್ನು ಹೊಂದಿದ್ದು, ಹಲವಾರು ಸ್ಥಳೀಯ ಸರ್ಕಾರಿ ಕಟ್ಟಡಗಳಿಗೆ ತಾಣವಾಗಿದೆ. ಅಷ್ಟೇ ಅಲ್ಲದೆ ಇದು ಟೌನ್ ಹಾಲ್, ನಗರ ಪೋಲೀಸ್ ಠಾಣೆ ಮತ್ತು ಸ್ಥಳೀಯ ಪರಿಷತ್ತು ಕಛೇರಿಗಳನ್ನು ಹೊಂದಿದೆ. ದಿ ಹೈ (ಸ್ಟ್ರೀಟ್ ಎಂಬ ಪದವು ಈ ರಸ್ತೆಯ ಹೆಸರಿನ ಒಂದು ಭಾಗವಲ್ಲ) ಹಲವಾರು ಸ್ವತಂತ್ರ ಮತ್ತು ಹೈ-ಎಂಡ್ ಸರಪಳಿ ಅಂಗಡಿಗಳನ್ನು ಹೊಂದಿದೆ. ನಗರದಲ್ಲಿ ಮಧ್ಯಭಾಗದಲ್ಲಿ ಎರಡು ವ್ಯಾಪಾರ ಕೇಂದ್ರಗಳಿವೆ: ದಿ ಕ್ಲಾರೆಂಡ್ರಾನ್ ಕೇಂದ್ರ ಮತ್ತು ದಿ ವೆಸ್ಟ್ ಗೇಟ್ ಕೇಂದ್ರ. ದಿ ವೆಸ್ಟ್‌ಗೇಟ್ ಸೆಂಟರ್ ಎಂಬ ಹೆಸರನ್ನು ನಗರದ ಒಳಗೋಡೆಯ ವೆಸ್ಟ್‌ಗೇಟ್‌ನ ಮೂಲ ಹೆಸರಿನ ನೆನಪಿಗಾಗಿ ಇಡಲಾಗಿದೆ. ಇದು ಕ್ವೀನ್ ರಸ್ತೆಯ ಪಶ್ಚಿಮ ಭಾಗದಲ್ಲಿದೆ. ಇದು ಕೊಂಚ ಮಟ್ಟಿಗೆ ಚಿಕ್ಕದಾಗಿದ್ದು , ಅನೆಕ ಸರಣಿ ಅಂಗಡಿಗಳು ಮತ್ತು ಒಂದು ದೊಡ್ಡ ವ್ಯಾಪಾರ ಮಳಿಗೆಯನ್ನು ಹೊಂದಿದೆ. ದಿ ವೆಸ್ಟ್ ಗೇಟ್ ಶಾಪಿಂಗ್ ಸೆಂಟರ್ ದೊಡ್ಡದಾದ ಮತ್ತು ವಿವಾದಾತ್ಮಕ ರೀತಿಯಲ್ಲಿ ಮರು ನಿರ್ಮಾಣ ಹೊಂದಬೇಕಾಗಿದೆ; ಇದರ ಯೋಜನೆಗಳು ಕೇಂದ್ರದ ಗಾತ್ರವನ್ನು ಮೂರರಷ್ಟು ಹೆಚ್ಚಿಸುವುದು750,000 sq ft (70,000 m2), ಒಂದು ಹೊಸದಾದ 1,335 ಜಾಗವುಳ್ಳ ನೆಲಮಾಳಿಗೆಯ ಕಾರ್ ಪಾರ್ಕನ್ನು ನಿರ್ಮಿಸುವುದು ಮತ್ತು 230,000 sq ft (21,000 m2) ಜಾನ್ ಲಿವೀಸ್ ಡಿಪಾರ್ಟ್ ಮೆಂಟ್ ಸ್ಟೋರ್ ಒಳಗೊಂಡಂತೆ 90 ನೂತನ ಅಂಗಡಿಗಳು ಮತ್ತು ಬಾರ್ ಗಳನ್ನು ನಿರ್ಮಿಸುವುದು ಮುಂತಾದವುಗಳನ್ನು ಒಳಗೊಂಡಿದೆ. ಈಗಿರುವ ಕೇಂದ್ರ ಮತ್ತು ಬೋನ್ ಸ್ಕ್ವೇರ್ ಪ್ರದೇಶವನ್ನು ಸಂಪುರ್ಣವಾಗಿ ಮರುನವೀಕರಣಗೊಳ್ಳಿಸುವ ಮೂಲಕ ಒಂದು ಹೊಸ ಮತ್ತು ಅಭಿವೃದ್ಧಿ ಹೊಂದಿದ ಸಾರಿಗೆ ವ್ಯವಸ್ಥೆಯನ್ನು ಮಾಡಬಹುದಾಗಿದೆ. ಅಭಿವೃದ್ಧಿ ಯೋಜನೆಗಳು ಅನೆಕ ನೂತನ ಗೃಹ ನಿರ್ಮಾಣಗಳನ್ನು ಒಳಗೊಂಡಿದೆ. ಪ್ರಸ್ತುತ ಆರ್ಥಿಕ ವಾತಾವರಣದಿಂದಾಗಿ ವಿಳಂಬವಾದರೂ 2011ಕ್ಕೆ ಪೂರ್ಣಗೊಳ್ಳುವ ಸಾಧ್ಯತೆ ಇದೆ.

ಬ್ಲ್ಯಾಕ್‌ವೆಲ್ ಬುಕ್ಸ್

ಬ್ಲ್ಯಾಕ್‌ವೆಲ್ ಬುಕ್‌ಶಾಪ್, ಆಕ್ಸ್‌ಫರ್ಡ್‌ನ ಪ್ರವಾಸಿಗರನ್ನು ಆಕರ್ಷಿಸುವ ಜನಪ್ರಿಯ ಸ್ಥಳವಾಗಿದೆ. ಯೂರೋಪ್‌ನಲ್ಲಿಯೇ ಅತಿ ಹೆಚ್ಚು ಪುಸ್ತಕಗಳನ್ನು ಒಂದೇ ಕೊಠಡಿಯಲ್ಲಿ ಹೊಂದಿರುವಂತಹ ಅತಿ ದೊಡ್ಡ ಪುಸ್ತಕ ಮಳಿಗೆ ಬ್ಲ್ಯಾಕ್‌ವೆಲ್ ಬುಕ್ಸ್‌ನ ಕ್ಯಾವೆರ್ನಸ್ ನಾರಿಂಗ್ಟನ್ ರೂಮ್ (10,000 ಚದರಡಿ).

ಇತರ ಆಕರ್ಷಣೆಗಳು

  • ಅಶ್ಮೊಲಿಯನ್ ಮ್ಯೂಸಿಯಂ
  • ಬೊಡ್ಲಿಯನ್ ಲೈಬ್ರರಿ
  • ಕ್ರಿಸ್ಟ್ ಚರ್ಚ್ ಕ್ಯಾಥೆಡ್ರಲ್, ಆಕ್ಸ್‌ಫರ್ಡ್
  • ದಿ ಹೆಡಿಂಗ್ಟನ್ ಶಾರ್ಕ್
  • ಮಾರ್ಡರ್ನ್ ಆರ್ಟ್ ಆಕ್ಸ್‌ಫರ್ಡ್
  • ಮ್ಯೂಸಿಯಂ ಆಫ್ ದಿ ಹಿಸ್ಟರಿ ಆಫ್ ಸೈನ್ಸ್
  • ಆಕ್ಸ್‌ಫರ್ಡ್ ಬೊಟಾನಿಕ್ ಗಾರ್ಡನ್
  • ಪಿಟ್ ರಿವರ್ಸ್ ಮ್ಯೂಸಿಯಂ
  • ಶೆಲ್ಡೋನಿಯನ್ ಥಿಯೇಟರ್
  • ಸೇಂಟ್. ಮೇರಿ ದಿ ವರ್ಜಿನ್ ಚರ್ಚ್

ಉದ್ಯಾನಗಳು ಮತ್ತು ಪ್ರಕೃತಿ ನಡಿಗೆಗಳು

ಆಕ್ಸ್‌ಫರ್ಡ್ ಒಂದು ಹಸಿರಾದ ನಗರ, ಹಲವಾರು ಉದ್ಯಾನಗಳು ಮತ್ತು ಪ್ರಕೃತಿ ಸಹಜ ನಡೆಯುವ ಸ್ಥಳಗಳು, ರಿಂಗ್‌ ರಸ್ತೆಯ ಒಳಭಾಗದಲ್ಲಿ ಮತ್ತು ಹೊರಭಾಗದಲ್ಲಿ ಇವೆ.

  • ವಿಶ್ವವಿದ್ಯಾನಿಲಯದ ಪಾರ್ಕುಗಳು
  • ಮೆಸಪೊಟಮಿಯ
  • ರಾಕ್ ಎಡ್ಜ್ ನೇಚರ್ ರಿಸರ್ವ್
  • ಲೇ ವ್ಯಾಲಿ
  • ದಕ್ಷಿಣದ ಪಾರ್ಕುಗಳು
  • ಸಿ. ಎಸ್. ಲೆವಿಸ್ ನೇಚರ್ ರಿಸರ್ವ್
  • ಶಾಟೊವರ್ ನೇಚರ್ ರಿಸರ್ವ್

ನಗರದ ಪುನರ್ ಅಭಿವೃದ್ಧಿ

ವೆಸ್ಟ್ ಗೇಟ್ ಪುನರ್ ಅಭಿವೃಧ್ದಿಯು ನಗರ ಪರಿಷತ್ತಿನಿಂದ ಪ್ರಸ್ತಾಪಿಸಲ್ಪಟ್ಟಿರುವ ವ್ಯಾಪಕ ಕಾರ್ಯಯೋಜನೆಯ ಒಂದು ಭಾಗವಾಗಿದೆ. ಈ ಕಾರ್ಯಯೋಜನೆಯು ನಗರವನ್ನು "ಪಾದಾಚಾರಿಗಳಿಗೆ " ಅನುಕೂಲವಾಗುವಂತೆ ಮಾಡಲು ಆಕ್ಸ್‌ಫರ್ಡ್‌ನ ಕೇಂದ್ರ ಭಾಗವನ್ನು ಪುನರ್ವಿನ್ಯಾಸ ಗೊಳಿಸುವನ್ನು ಒಳಗೊಂಡಿದೆ. ಟ್ರಾನ್ಸ್‌ಫಾರ್ಮ್ ಶಿರೊನಾಮೆಯನ್ನು ಹೊಂದಿರುವ ಕಾರ್ಯ ಯೋಜನೆಯು , ಈ ಹಂತದಲ್ಲಿ ಸಾರ್ವಜನಿಕ ಸಲಹೆಯ ಏಕೈಕ ನೀಲಿ ನಕಾಶೆಯಾಗಿದೆ. ಆದರೆ ಕೌಂಟಿ ಪರಿಷತ್ತಿನ ನೌಕರರು ಇದು ಮುಂದುವರೆಯುತ್ತದೆ ಎಂಬ ಭರವಸೆಯಲ್ಲಿದ್ದಾರೆ. ಕ್ವೀನ್ ಬೀದಿ ಯನ್ನು ಪಾದಾಚಾರೀಕರಣಗೊಳಿಸುವ ಪ್ರಮುಖ ಅಂಶಗಳಲ್ಲಿ ಒಂದು ಎಂದರೆ , ಮುಂದಿನ ಬೇಸಿಗೆಗೆಲ್ಲಾ ಬಸ್ ನಿಲ್ದಾಣಗಳನ್ನು ತೆಗೆದುಹಾಕಿ, ನಂತರ ಬೀದಿಯಲ್ಲಿ ಎಲ್ಲಾ ಬಸ್ ಸಂಚಾರವನ್ನು ಸಂಪೂರ್ಣವಾಗಿ ನಿಲ್ಲಿಸುವುದು. 2010ಬೇಸಿಗೆಯಲ್ಲಿ ಜಾರ್ಜ್ ಬೀದಿ ಮತ್ತು ಮಗ್ದಲೀನ್ ಬೀದಿಗಳಲ್ಲಿ ಪಾದಾಚಾರಿ ಕಾರ್ಯಯೋಜನೆಗಳು ಅನುಷ್ಟಾನಗೊಳ್ಳುವ ಸಾಧ್ಯತೆಗಳಿದ್ದು, ಅದೇ ವರ್ಷದಲ್ಲಿ ಬ್ರಾಡ್ ಬೀದಿ ಯ ಸಾರಿಗೆ ಸಂಚಾರವನ್ನು ರದ್ದು ಮಾಡುವ ಸಾಧ್ಯತೆಗಳಿವೆ. ಹೆದ್ದಾರಿ ಅಭಿಯಂತರರು 2011ಕ್ಕೆಲ್ಲಾ ಸಂಚಾರಿ ದೀಪಗಳನ್ನು ತೆಗೆದುಹಾಕಿ, ವಾಹನ ಸಂಚಾರವನ್ನು ಅಭಿವೃದ್ಧಿ ಪಡಿಸುವುದರ ಮೂಲಕ ರೈಲ್ವೆ ನಿಲ್ದಾಣದ ಬಳಿಯಲ್ಲಿರುವ ಫ್ರೈಡ್ಸ್ ವೈಡ್ ಸ್ಕ್ವೇರ್ ಅನ್ನು ಮರು ವಿನ್ಯಾಸಗೊಳಿಸುವ ಯೋಜನೆಯಲ್ಲಿದ್ದಾರೆ.

ಸಾರಿಗೆ

ವಿಮಾನಯಾನ

ಕಿಡ್ಲಿಂಗ್ಟನ್‌ನಲ್ಲಿರುವ ಲಂಡನ್ ಆಕ್ಸ್‌ಫರ್ಡ್ ಏರ್‌ಪೋರ್ಟ್ ಆಕ್ಸ್‌ಫರ್ಡ್ ನಗರಕ್ಕೆ ತನ್ನ ಸೇವೆಯನ್ನು ಒದಗಿಸುತ್ತಿದೆ. ವಿಮಾನನಿಲ್ದಾಣವು ಜಿನಿವಾ ಮತ್ತು ರೋಮ್‌ಗೆ ಫ್ಲೈಬಬೂನ ವಿಮಾನಗಳನ್ನು ಮತ್ತು ಜೆರ್ಸೀಗೆ ಸಿಟಿಜೆಟ್ ವಿಮಾನಗಳನ್ನು ಹೊಂದಿದೆ. ವಿಮಾನ ನಿಲ್ದಾಣವು ಪ್ರಮುಖವಾದ ಏರ್‌ಲೈನ್ ಪೈಲಟ್ ವಿಮಾನ ತರಬೇತಿ ಕೇಂದ್ರವಾದ ಆಕ್ಸ್‌ಫರ್ಡ್ ಏವಿಯೇಶನ್ ಅಕಾಡೆಮಿಯ ಹಾಗೂ ಹಲವಾರು ಖಾಸಗಿ ಜೆಟ್ ಕಂಪನಿಗಳ ತವರಾಗಿದೆ.

ಬಸ್‌ಗಳ ಸಂಚಾರ

ನಗರದಲ್ಲಿ ಬಸ್ ಸೇವೆಯನ್ನು ಆಕ್ಸ್‌ಫರ್ಡ್ ಬಸ್ ಕಂಪನಿ ಹಾಗೂ ಸ್ಟೇಜ್‌ಕೋಚ್ ಆಕ್ಸ್‌ಫರ್ಡ್‌ಶೈರ್ ಕಂಪನಿಗಳು ಒದಗಿಸುತ್ತವೆ. ಎರಡೂ ಕಂಪನಿಗಳಿಂದ ನಿಯಮಿತವಾಗಿ ಲಂಡನ್‌ಗೆ ಬಸ್‌ಗಳು ಕಾರ್ಯನಿರ್ವಹಿಸುತ್ತವೆ. ಆಕ್ಸ್‌ಫರ್ಡ್‌ ಕಂಪನಿಯು ಹೇತ್ರೋ ಮತ್ತು ಗಟ್ವಿಕ್‌ಗೆ ವಿಮಾನಗಳ ಸೇವೆಯನ್ನೂ ಒದಗಿಸುತ್ತದೆ. ಬಸ್ ಸೇವೆ ಒದಗಿಸುವ ಇತರೆ ಕಂಪನಿಗಳೆಂದರೆ ಥೇಮ್ಸ್ ಟ್ರಾವೆಲ್, ಅರೈವಾ ಶೈರ್ಸ್ & ಎಸೆಕ್ಸ್ ಮತ್ತು ಹಲವು ಸಣ್ಣ ಕಂಪನಿಗಳು. ಗ್ಲೌಸ್ಟೆರ್ ಗ್ರೀನ್ ಎಂಬ ಬಸ್ ನಿಲ್ದಾಣದಿಂದ ಲಂಡನ್ ಮತ್ತು ವಿಮಾನನಿಲ್ದಾಣಗಳಿಗೆ ಬಸ್‌ಗಳು ಸಂಚರಿಸುತ್ತವೆ, ಮತ್ತು ನ್ಯಾಷನಲ್ ಎಕ್ಸ್‌ಪ್ರೆಸ್ ಕೋಚ್ ಸರ್ವಿಸ್‌ಗಳು ಲಭ್ಯವಿವೆ. ಆಕ್ಸ್‌ಫರ್ಡ್, 5 ಪಾರ್ಕ್ ಅಂಡ್ ರೈಡ್ ತಾಣಗಳನ್ನು ಸಿಟಿ ಸೆಂಟರ್‌ನಲ್ಲಿ ಹೊಂದಿದೆ;

  • ಪಿಯರ್ ಟ್ರೀ (300 ಬಸ್‌ನೊಂದಿಗೆ ಸಿಟಿ ಸೆಂಟರ್‌ನೊಂದಿಗೆ ಸಂಪರ್ಕ ಹೊಂದಿದೆ)
  • ರೆಡ್‌ಬ್ರಿಡ್ಜ್ (300 ಬಸ್‌ನೊಂದಿಗೆ ಸಿಟಿ ಸೆಂಟರ್‌ನೊಂದಿಗೆ ಸಂಪರ್ಕ ಹೊಂದಿದೆ)
  • ಸೀಕೋರ್ಟ್ (400 ಬಸ್‌ನೊಂದಿಗೆ ಸಿಟಿ ಸೆಂಟರ್‌ನೊಂದಿಗೆ ಸಂಪರ್ಕ ಹೊಂದಿದೆ)
  • ಥೊರ್ನ್ಹಿಲ್ (400 ಬಸ್‌ನೊಂದಿಗೆ ಸಿಟಿ ಸೆಂಟರ್‌ನೊಂದಿಗೆ ಸಂಪರ್ಕ ಹೊಂದಿದೆ)
  • ವಾಟರ್ ಈಟನ್ (500 ಬಸ್‌ನೊಂದಿಗೆ ಸಿಟಿ ಸೆಂಟರ್‌ನೊಂದಿಗೆ ಸಂಪರ್ಕ ಹೊಂದಿದೆ)

ಇಲ್ಲಿಂದ ಬಸ್ಸುಗಳು ಜಾನ್ ರಾಡ್‌ಕ್ಲಿಫ್ ಹಾಸ್ಪಿಟಲ್‌‌ಗೆ (ಥೊರ್ನ್ಹಿಲ್/ವಾಟರ್ ಈಟನ್) ಅಲ್ಲದೆ ಚರ್ಚಿಲ್ ಮತ್ತು ನಫೀಲ್ಡ್ ಹಾಸ್ಪಿಟಲ್‌ (ಥೊರ್ನ್ಹಿಲ್‌ನಿಂದ)ಗಳಿಗೂ ತಮ್ಮ ಸೇವೆ ಒದಗಿಸುತ್ತವೆ. ಸ್ಟೇಜ್‌ಕೋಚ್ ಆಕ್ಸ್‌ಫರ್ಡ್‌ಶೈರ್‌ನ ರೂಟ್ 1 (ಕೌಲೆ, ಬ್ಲ್ಯಾಕ್‌ಬರ್ಡ್ ಲೆಯ್ಸ್)ನಿಂದ ಚಿಕ್ಕ ಡೀಸೆಲ್ ಜನರೇಟರ್‌ನ ಬ್ಯಾಟರಿ ಪವರ್‌ನಿಂದ ಚಲಿಸುವ ಹೈಬ್ರಿಡ್ ಬಸ್‌ಗಳು ಆಕ್ಸ್‌ಫರ್ಡ್‌ನಲ್ಲಿ 15 ಜುಲೈ 2010ರಿಂದ ಕಾರ್ಯನಿರ್ವಹಿಸಲು ಪ್ರಾರಂಭಿಸಿದವು.

ರೈಲ್ವೆ ಸಾರಿಗೆ

1844ರಲ್ಲಿ, ಗ್ರೇಟ್ ವೆಸ್ಟ್ರನ್ ರೈಲ್ವೆಯು ಆಕ್ಸ್‌‌ಫರ್ಡ್‌ನಿಂದ Didcot ಮತ್ತು Readingರ ಮೂಲಕ ಲಂಡನ್ (ಪ್ಯಾಡಿಂಗ್ಟನ್) ಸಂಪರ್ಕಿಸುತ್ತದೆ; 1851ರಲ್ಲಿ, ಲಂಡನ್ ಮತ್ತು ನಾರ್ತ್ ವೆಸ್ಟ್ರನ್ ರೈಲ್ವೆಯು ಬೈಸೆಸ್ಟರ್, Bletchley ಹಾಗೂ ವ್ಯಾಟ್‌ಫರ್ಡ್ ಮೂಲಕ ಆಕ್ಸ್‌ಫರ್ಡ್‌ನಿಂದ ಲಂಡನ್ (ಯುಸ್ಟನ್)ಗೆ ಸಂಪರ್ಕಹೊಂದುವಂತೆ ಹೊಸ ಸೇವೆ ಪ್ರಾರಂಭಿಸಿತು ; ಮತ್ತು 1864ರಲ್ಲಿ ಮೂರನೆಯ ಮಾರ್ಗವನ್ನು ಪ್ರಾರಂಭಿಸಿತು ಅದು ಕೂಡಾ Thame, High Wycombe ಮತ್ತು Maidenhead ಮೂಲಕ ಪ್ಯಾಡಿಂಗ್ಟನ್‌ಗೆ ಚಲಿಸುವ ಮಾರ್ಗವಾಗಿತ್ತು; ಇದನ್ನು 1906ರಲ್ಲಿ ಹೈ ವಿಕೊಂಬ್ ಮತ್ತು ಲಂಡನ್ (ಪ್ಯಾಡಿಂಗ್ಟನ್) ಗೆ Denhamರ ಮಾರ್ಗವಾಗಿ ದೂರವನ್ನು ಕಡಿಮೆ ಮಾಡಿ ಪ್ರಾರಂಭಿಸಿತು. ಬ್ಲೆಚ್ಲೇ ಮಾರ್ಗವಾಗಿ ಆಕ್ಸ್‌ಫರ್ಡ್‌ನಿಂದ ಲಂಡನ್‌ಗೆ ಇರುವ ದೂರ 78 miles (125.5 km); ಡಿಡ್ಕಟ್ ಮಾರ್ಗವಾಗಿ ಇರುವ ದೂರ 63.5 miles (102.2 km); ಹಾಗೂ ಥೇಮ್ ಮತ್ತು ಮೆಯ್ಡನ್‌ಹೆಡ್ ಮಾರ್ಗವಾಗಿ 63.25 miles (101.8 km) ; ಡೆನ್‌ಹ್ಯಾಮ್ ಮಾರ್ಗವಾಗಿ 55.75 miles (89.7 km) . ಇವುಗಳಲ್ಲಿ ಡಿಡ್ಕಟ್ ಮಾರ್ಗವಾಗಿ ಸಾಗುವುದು ಮಾತ್ರ ಈಗಲೂ ಬಳಾಕೆಯಲ್ಲಿದೆ. ಉತ್ತರ ಹಾಗೂ ಪಶ್ಚಿಮಕ್ಕೆ ಕೂಡಾ ಮಾರ್ಗಗಳಿದ್ದವು. Banburyಗೆ ರಸ್ತೆ ಮಾರ್ಗವು 1850ರಲ್ಲಿ ಪ್ರಾರಂಭವಾಯಿತು, ಹಾಗೂ ಇದನ್ನು 1852ರಲ್ಲಿ ಬರ್ಮಿಂಗ್‌ಹ್ಯಾಂವರೆಗೆ ವಿಸ್ತರಿಸಲಾಯಿತು; ವೊರ್ಸೆಸ್ಟರ್‌ಗೆ ಒಂದು ಮಾರ್ಗವು 1853ರಲ್ಲಿ ಪ್ರಾರಂಭವಾಯಿತು. 1862ರಲ್ಲಿ ವಿಟ್ನೇಗೆ ಒಂದು ಮಾರ್ಗ ಪ್ರಾರಂಭವಾಯಿತು, ಅದನ್ನು 1873ರಲ್ಲಿ Fairfordವರೆಗೆ ವಿಸ್ತರಿಸಲಾಯಿತು in 1873. 1962ರಲ್ಲಿ ವಿಟ್ನೇ ಮತ್ತು ಫೆಯ್ರ್‌ಫೋರ್ಡ್‌ ಮಾರ್ಗವು ಸ್ತಗಿತಗೊಂಡಿತು, ಆದರೆ ಇತರೆಯವು ಹಾಗೇ ಇದ್ದವು. ಆಕ್ಸ್‌ಫರ್ಡ್ ಮೂರು ರೈಲ್ವೆ ಸ್ಟೇಷನ್‌ಗಳನ್ನು ಹೊಂದಿತ್ತು. ಮೊದಲನೆಯದು 1844ರಲ್ಲಿ ಗ್ರ್ಯಾಂಡ್‌ಪಾಂಟ್‌ನಲ್ಲಿ ಪ್ರಾರಂಭವಾಯಿತು, ಆದರೆ ಇದು ಒಂದು ಕೊನೆಯ ನಿಲ್ದಾಣವಾಗಿತ್ತು, ಉತ್ತರಕ್ಕೆ ಮಾರ್ಗಗಳು ಅನಾನುಕೂಲಕರವಾಗಿದ್ದವು; ಅದನ್ನು ಪಾರ್ಕ್ ಎಂಡ್ ಸ್ಟ್ರೀಟ್‌ನಲ್ಲಿ ಬರ್ಮಿಂಗ್‌ಹ್ಯಾಮ್ ಮಾರ್ಗಕ್ಕೆ ಈಗಿರುವ ನಿಲ್ದಾಣವನ್ನು ನಿರ್ಮಿಸುವುದರ ಮೂಲಕ 1852ರಲ್ಲಿ ಬದಲಾಯಿಸಲಾಯಿತು. ಇನ್ನೊಂದು ಕೊನೆಯ ನಿಲ್ದಾಣ ರೆವ್ಲೇ ರಸ್ತೆಯಲ್ಲಿ 1851ರಲ್ಲಿ ಬ್ಲೆಚ್ಲೇ ಮಾರ್ಗವಾಗಿ ಪ್ರಾರಂಭವಾಯಿತು; ಇದು 1951ರಲ್ಲಿ ಸ್ಥಗಿತಗೊಂಡಿತು. ಅಲ್ಲಿ ಹಲವಾರು ಸ್ಥಳೀಯ ರೈಲ್ವೆ ನಿಲ್ದಾಣಗಳಿದ್ದು ಈಗ ಸ್ಥಗಿತಗೊಂಡಿವೆ. ಆಕ್ಸ್‌ಫರ್ಡ್ ರೈಲ್ವೆ ನಿಲ್ದಾಣವು ಸಿಟಿ ಸೆಂಟರ್‌ನಿಂದ ಅರ್ಧ ಮೈಲಿ ದೂರದಲ್ಲಿದೆ. ಈ ನಿಲ್ದಾಣವು ಹಲವಾರು ಮಾರ್ಗಗಳ ಸೇವೆಯನ್ನು ಹೊಂದಿದೆ, ಮ್ಯಾಂಚೆಸ್ಟರ್ ಹಾಗೂ ಎಡಿನ್ಬರ್ಗ್ ಸೇರಿದಂತೆ ಇತರೆ ದೇಶಗಳಿಗೂ ಸೇವೆಯನ್ನು ಹೊಂದಿದೆ, ಫಸ್ಟ್ ಗ್ರೇಟ್ ವೆಸ್ಟೆರ್ನ್ (ನಿಲ್ದಾಣದ ಕಾರ್ಯ ನಡೆಸುವವರು) ಲಂಡನ್ ಮತ್ತು ಇತರ ಗಮ್ಯಸ್ಥಾನಗಳಿಗೂ ಸೇವೆಯನ್ನು ಒದಗಿಸುತ್ತವೆ ಮತ್ತು ಸಾಂದರ್ಭಿಕ ಚಿಲ್ಟನ್ ರೈಲು ಮಾರ್ಗಗಳು ಬರ್ಮಿಂಘಮ್‌ಗೆ ಸೇವೆಯನ್ನು ಒದಗಿಸುತ್ತವೆ. ಪ್ರಸ್ತುತ ಇರುವ ನಿಲ್ದಾಣವನ್ನು 1852ರಲ್ಲಿ ತೆರೆಯಲಾಯಿತು. ಆಕ್ಸ್‌ಫರ್ಡ್ ಶಾರ್ಟ್ ಬ್ರಾಂಚ್‌ನಿಂದ ಬೈಸೆಸ್ಟರ??

Listed in the following categories:
ಪ್ರತಿಕ್ರಿಯೆಯನ್ನು ಪೋಸ್ಟ್ ಮಾಡಿ
ಸಲಹೆಗಳು ಮತ್ತು ಸುಳಿವುಗಳು
ಇವರಿಂದ ವ್ಯವಸ್ಥೆ ಮಾಡಿ:
ಆಕ್ಸ್‌ಫರ್ಡ್ ಗೆ ಇನ್ನೂ ಯಾವುದೇ ಸಲಹೆಗಳು ಅಥವಾ ಸುಳಿವುಗಳಿಲ್ಲ. ಸಹ ಪ್ರಯಾಣಿಕರಿಗೆ ಉಪಯುಕ್ತ ಮಾಹಿತಿಯನ್ನು ಪೋಸ್ಟ್ ಮಾಡುವವರಲ್ಲಿ ನೀವು ಮೊದಲಿಗರಾಗಿರಬಹುದು? :)
ನಕ್ಷೆ
1 Radcliffe Sq, Oxford OX1 4AH, ಯುನೈಟೆಡ್ ಕಿಂಗ್ಡಮ್ ನಿರ್ದೇಶನಗಳನ್ನು ಪಡೆ

Philosophy Faculty, University of Oxford ನಲ್ಲಿ Foursquare

The Luxurious Mansion (Peymans)

starting $487

Old Bank Hotel

starting $442

The Buttery

starting $165

The Vanbrugh House Hotel

starting $346

George Oxford Hotel

starting $191

Tower House Guest House

starting $143

ಹತ್ತಿರದ ದೃಶ್ಯಗಳನ್ನು ಶಿಫಾರಸು ಮಾಡಲಾಗಿದೆ

ಎಲ್ಲವನ್ನೂ ನೋಡು ಎಲ್ಲವನ್ನೂ ನೋಡು
ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
University Church of St Mary the Virgin

The University Church of St Mary the Virgin (St Mary's or SMV for

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Divinity School, Oxford

The Divinity School is a medieval building and room in the

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Bodleian Library

The Bodleian Library (Шаблон:IPA-en), the main research library of th

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Bridge of Sighs (Oxford)

Hertford Bridge, popularly known as the Bridge of Sighs, is a skyway

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
University College, Oxford

University College (in full, the The Master and Fellows of the College

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Logic Lane covered bridge

The Logic Lane covered bridge is a small covered bridge at the High

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Christ Church, Oxford

Christ Church (Latin: Ædes Christi, the temple or house of Christ,

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Christ Church Cathedral, Oxford

Christ Church Cathedral is the cathedral of the diocese of Oxford,

ಇದೇ ರೀತಿಯ ಪ್ರವಾಸಿ ಆಕರ್ಷಣೆಗಳು

ಎಲ್ಲವನ್ನೂ ನೋಡು ಎಲ್ಲವನ್ನೂ ನೋಡು
ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
University of Helsinki

The University of Helsinki (Finnish: Helsingin yliopisto, Swedish:

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
University of Tokyo

The University of Tokyo (東京大学, Tōkyō daigaku), abbreviated as Todai

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Sofia University

The St. Clement of Ohrid University of Sofia or Sofia University

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
Ghent University

Ghent University (in Dutch, Universiteit Gent, abbreviated UGent) is

ಇಚ್ l ೆಪಟ್ಟಿಗೆ ಸೇರಿಸಿ
ನಾನು ಇಲ್ಲಿದ್ದೇನೆ
ಭೇಟಿ ನೀಡಿದರು
ಸ್ಟ್ಯಾನ್‌ಫೋರ್ಡ್ ವಿಶ್ವವಿದ್ಯಾನಿಲಯ

The Leland Stanford Junior University, commonly referred to as

ಎಲ್ಲಾ ರೀತಿಯ ಸ್ಥಳಗಳನ್ನು ನೋಡಿ